Уште 11 дена не делат од стартот на Европското првенство кое ќе се одржи во Данска, Шведска и Норвешка (15. јануари до 1. февруари). Македонската ракометна репрезентација ќе биде дел и од ова големо натпреварување, ќе игра во Хернинг, а во група за противници ги има селекциите на Данска, Португалија и Романија.
Обложувалниците веќе ги извадија коефициентите, а најголем фаворит за освојување на златниот медал е токму еден од противниците на Македонија – селекцијата на Данска. Бранителот на тронот, Франција е трет во овој поредок, на второто место се најде Шведска.
Македонската ракометна репрезентација е на 21 место, Португалија која е во нашата група е 11-та, додека пак Романија е на 23 место.
Нашите ракометари шампионатот го отвараат на 16. јануари против Данска, два дена подоцна е пресметката со Португалија, додека на 20. јануари го играат последниот меч од групната фаза против Романија.
