Некогашниот македонски младински репрезентативец, а сега стандарден првотимец на есенскиот шампион Вардар, Димитар Тодоровски денеска и официјално потпиша нов договор со клубот.
Неговата актуелна соработка завршуваше на лето, но ФК Вардар одлучи дека Тодоровски е важен дел од оваа шампионска генерација на тимот, и дека мора да биде задржан што подолго.
Офанзивецот стави параф на нов договор кој што го обврзува до 2028 година. Тој е дете на Работнички, а имаше и мини епизода во тимот на Брера.
