Едноставно најдобар. Домен Превц или ДОМЕНАТОРОТ Превц, словенечкиот ски – скокач е победник на Новогодинешната турнеја “Четири скокалници“ и со тоа го освои “Златниот орел“. Со ова Домен го повтори успехот на својот брат Петер Превц од 2015/2016. Со ова Домен испиша историја. Имено ова се случува за првпат во ова натпреварување, двајца браќа да победат на оваа новогодинешната турнеја. Претходно од Словенците му успеа тоа и на Примож Петерка во 1996/97.
Превц денеска на скокалницата во Бишофсхофен го освои “само“ вторто место, исто како и пред два дена во Инсбрук, но затоа успеа да триумфира во Оберсдорф и во Гармиш – Партенкирхен.
Победник денеска во Бишофсховен беше домашниот скокач Даниел Чофениг, додека трет заврши Рују Кобајаши.
Во генералниот пласман на “Четирите скокалници“ Превц заврши со 41 бод повеќе од Јан Херл.
