Јасно е дека кога ќе се сретнат две мега – ѕвезди во светот на спортот, таа средба и тоа како предизвикува големо внимание. Јамал го искористи божиќниот одмор во Ла Лига за краток одмор во Дубаи, каде што беше и гостин на доделувањето на наградите „Глоуб сокер“.
На церемонијата се сретна со бројни спортски ѕвезди, меѓу кои беше и Новак Ѓоковиќ, кој таму ја доби наградата „Глоуб спортс“. Јамал откри дека разговарале кратко и дека Ѓоковиќ го замолил за фотографија со својот син Стефан.
„Млад си, но неверојатно е што веќе успеа да направиш“, му рекол српскиот тенисер на фудбалерот пред да побара фотографија со Стефан.
„Син ми многу те сака. Стефан, Стефо, дојди“, го повикал Новак својот син.Секако, Јамал се согласил и се фотографирале заедно. Шпанскиот претставник ја претставил ситуацијата во видео објавено на својот YouTube канал, во кое го резимирал својот престој во Обединетите Арапски Емирати.
Неодамна го лансирал каналот, а влогот од Дубаи е неговото второ објавено видео. Многу брзо имало над милион прегледи.
Јамал е роден во 2007 година, една година пред Ѓоковиќ да го освои својот прв Гренд слем на Австралија Опен.
“MI HIJO TE AMA MUCHO”. 👀
Ojito al encuentro de Djokovic con Lamine Yamal.
(YT Lamine Yamal) pic.twitter.com/cfv06rmGn9
— ESPN.com.mx (@ESPNmx) January 6, 2026
