Нашиот кошаркарски стратег Емил Рајковиќ и неговата екипа Тофаш го направија првиот голем чекор кон групната фаза на ФИБА Лигата на шампионите. Турскиот тим кој е познат по тоа што е несопирлив на домашен терен, и на денешниот европски дуел против француски Шоле пред своите навивачи не пропушти да слави.
Момците на Рајковиќ обезбедија победа од 89:75 во натпревар во кој одиграа одлично второ полувреме во кое го решија прашањето за победникот на мечот. За два дена ќе се одигра вториот меч на теренот на Французите.










