Неверојатно и за првпат во својата кариера. Имено со откажувањето на настапот во Аделаида следната недела, Новак Ѓоковиќ ќе се најде во необична ситуација. Доколку не се предомисли и не се пријави за еден од егзибициските натпревар ќе дојде на Австралија Опен, првиот Гренслем во новата сезона, без ниту еден подготвителен натпревар.
Од 2005 година, кога дебитираше на Гренслемовите во Мелбурн, свесен дека Австралија Опен има многу незгоден датум, само две недели по почетокот на сезоната, но и по долга пауза, Ѓоковиќ секогаш планираше да игра барем малку рекет пред да пристигне. Во 2005 година, тој сè уште не беше меѓу првите 100 во светот, па мораше да игра во квалификациите. Прво загуби на стартот во Аделаида, а потоа отиде во главниот ждреб на АО, каде што веднаш беше елиминиран од подоцнежниот шампион Марат Сафин. Во сите следни зими, тој играше пред да дојде на Австралија Опен. Тој ги смени воведните натпревари – од Хопман купот (2006, 2008, 2011, 2013), официјалните турнири во Аделаида (2007 и 2023), Сиднеј (2009), Доха (2016, 2017, 2019) и Бризбејн (2009 и 2025), преку егзибициите во Кујонг (2010), тајбрејк тенис (2018), обете во Мелбурн, во Абу Даби (2012, 2013, 2014, 2015), Меѓународната тениска лига за Дубаи (2014), до тимските натпревари на АТП купот (2020 и 2021) и Јунајтед купот (2024) – тој секогаш се подготвуваше за она што го чека во втората половина на јануари преку натпревари. Имаше години кога играше на неколку натпреварувања пред почетокот во Мелбурн.
Дури и во 2018 година, кога имаше проблем со лактот, кој набрзо го оперира, не дојде на првиот Гренд слем без да одигра ниту еден поен. Учествуваше на егзибицискиот Тајбрејк во десетки во Мелбурн.
