Синоќа екипата на Манчестер Јунајтед на гостувањето кај Барнли во новото коло од Премиер лигата, одигра типичен негов натпревар. Најпрво губеше, па направи пресврт од 1:2, за да прими гол и мечот заврши 2:2.
Принудниот менаџер, Дарен Флечер имаше деби на клупата на Јунајтед и нормално дека по дуелот беше разочаран.
„Длабоко сум разочаран што не го добивме натпреварот. Направивме повеќе од доволно во однос на ударите, создадените шанси и расчистувањата. Сè уште не разбирам целосно зошто голот на Лисандро Мартинез беше поништен“, рече Шкотланѓанецот по натпреварот.
„При резултат 1:2, сакаш сè да одлучиш, да постигнеш уште еден гол. Но, мора да им оддадеме пофалби на Барнли, тие постигнаа добар втор гол. Сепак, фактот дека примивме израмнувачки гол, а не успеавме да постигнеме трет гол е разочарувачки. Вложивме напор и сум задоволен од посветеноста и нивото што го покажаа играчите, но знам дека се способни за повеќе“, додаде Дарен Флечер.
