Она што се најавуваше во НБА и се оствари со големата размена која ја потресе најсилната лига во светот. Атланта Хокс одлучија да направат драстичен потег и ја испратија својата најголема ѕвезда, четирикратниот Ол-стар Треј Јанг, во Вашингтон Визардс.
Според информациите што ги даде ЕСПН, Хокс за возврат ќе го добијат искусниот Си-Џеј Меколум, како и младиот шутер Кори Кисперт, што јасно покажува дека Атланта влегува во нова фаза на реконструкција на тимот. Треј Јанг со години е лицето на франшизата од Џорџија, лидер на тимот и еден од најатрактивните плејмејкери во лигата.
BREAKING: The Atlanta Hawks are trading four-time NBA All-Star Trae Young to the Washington Wizards for CJ McCollum and Corey Kispert, sources tell ESPN. pic.twitter.com/WIf8rhrRFu
— Shams Charania (@ShamsCharania) January 8, 2026
Неговото заминување означува крај на кратката ера во Атланта што кулминираше со финалето на Источната конференција, но и почеток на нов проект во Вашингтон, кој со овој потег испраќа јасна порака дека сака да направи скок кон врвот на Источната конференција.
Од друга страна, „Јастребите“ добиваат докажана офанзивна опција во Меколум, играч со богато искуство во плејофот, додека Кисперт носи дополнителна ширина и шут за три поени, што би можело да биде клучно во наредните сезони.
