Матеј Гаштаров (19) во пролетниот дел ќе игра, како позајмен играч на Ц. Звезда, во Борац Чачак, клуб од втората по ранг лига во Србија. Гигантот од Белград ова го направи со цел македонскиот младински репрезентативец и еден од најталентираните младинци на “црвено – белите“ да има што поголема минутажа.
Инаку познато е дека Гаштаров е “дете“ на Вардар, а пред неполни две години се пресели во Белград каде играше за младинските екипи на Ц. Звезда, играше и во младинската Лига на Шампионите за “црвено – белите“.
Играчот за врска досега има 8 настапи за нашата У-21 селекција, претходно беше стандарден и во У-19 и У-18 селекциите на Македонија.
