Се позачестени се информациите од инсајдерите дека Никола Јокиќ го напушта Денвер. Секако дека овие вести се вистинска “бомба“ ако се знае дека Србинот веќе години наназад е најдобриот кошаркар во светот и секоја вест за него и тоа како побудува внимание.Малку е веројатно дека Никола Јокиќ некогаш би сакал да го смени клубот, но искуствата од НБА ни кажуваат дека играчите честопати многу малку се прашуваат кога машината ги контролира нивните животи. Затоа, НБА инсајдерот Брајан Виндхорст известува дека во 2028 година, Никола Јокиќ можеби ќе може да го смени клубот и евентуално да се најде во тимот со една од другите големи ѕвезди на ова натпреварување.
Мајами Хит, планира однапред за летото 2028 година, кога Јанис Адетокунбо, Никола Јокиќ и Донован Мичел би можеле да бидат на пазарот за слободни агенти, и затоа веројатно нема агресивно да влезат во преговори во врска со размената на Џа Морант, известува Брајан Виндхорст од ESPN. 2027/28 – сезоната во која, според сегашните проекции, Адетокунбо, Јокиќ и Донован Мичел, меѓу другите, би можеле да станат слободни агенти без ограничувања. Изворите наведуваат дека е многу малку веројатно дека Хит би отстапиле од тој план за да го добијат Морант.
Сепак, оваа вест не е загатка. Многу е малку веројатно дека Никола Јокиќ би можел да го промени клубот, со оглед на тоа што е голема ѕвезда на Денвер, а тие не би го пуштиле толку лесно од Колорадо. Во следната сезона се подготвува нов, најголем договор за Србинот, кој би можел да му го обезбеди местото во тимот. И дури и да не се случи тоа, би било многу интересно да се види Јокиќ во нова, поинаква улога.
