Македонската ракометна репрезентација утре го игра последниот натпревар од групната фаза на Европско првенство, за противник ја има селекцијата на Романија. Дуелот се игра со почеток во 18 часот, а правдата ќе ја делат Словенците Бојан Лах и Давид Сок.
Овој натпревар ќе биде од големо значање за нашите ракометари, ќе мора да дојдат до што поубедлива победа, а потоа да чекаат услуга од Данска која игра со Португалија.
Нова задача на Европското првенство добија Димитар Митревски и Благојче Тодоровски, тие ќе ја делат правдата на мечот меѓу Унгарија и Исланд, кој се игра во Кристијанштад.
