СпортСпорт во Анталија, Огнен Дојчиновски
Екипата на Тиквеш денеска го игра првиот дуел од трите закажани на базичните подготовки во Анталија. Кавадарчани денеска од 16:00 часот по локално време ќе се тестираат со тимот на Славија Софија.
Стратегот Борче Христов вели дека е задоволен од она што екипата го работи на овие подготовки во Анталија, и дека се оди во најдобар ред.
„Па освен фактот што ете временските услови и не се најјидеални, и ни го пореметија распоредот за работа во последните два три дена се останато е во најдобар ред. Ние го работиме она што планираме да ни биде и тактичка основа во периодот кој што следува и тука нема некакви ниту изненадувања ниту промени. Од друга страна новитетите во екипата, ќе треба токму на мечот како што е денешниот да се истакнат и да покажат дека се вредни за да бидат дел од Тиквеш. Тренинг е едно, но натпревар е сосема нешто друго. На меч се гледа вистинската способност“ – вели тренерот на ГФК Тиквеш, Борче Христов за Спортспорт.
