Кошаркарите на Пелистер тргнаа со победа во првото овогодишно коло од домашното првенство, откако вечерва на одмашен терен славеа во дербито со Работнички со 88:85.
Дербито очекувано донесе неизвесна битка уште од првата минута. „Зелените“ ја добија првата четвртина со три поени предност, а истата разлика успеаја да ја задржат и во втората четвртина, па на пауза заминаа со минимална предност од 47:44.
Работнички имаше шанси да се обиде на почетокот на вториот дел да ја анулира разликата, но во последните две минути од третиот период, Пелистер успеа да врзе серија поени и да зголеми на 71:65.
Во последниот период видовме вистинска драма во завршницата. Битолчани имаа константна разлика од 3-4 поени во своја полза, но Работнички на 1,5 минута до крајот успеа да се приближи наминус еден (84:83). По тајм-аутот, Малешевиќ погоди тројка, Работнички не искористи напад, па потоа Стајиќ промаши две слободни фрлања, но и тие не помогнаа гостите да се вратат. На крајот Малешевиќ со едно погодено слободно фрлање го реши победникот.
Дејвис со 25 и Малешевиќ со 21 поен беа носители на победата на битолчани, додека кај Работнички Петровски заврши со 19 поени како најдобар стрелец.
