Во Хернинг стартуваше третото коло од главната рунда 1, а по некое правило видовме уште една драма, за тоа беа задолжени Португалија и Норвешка, одиграа без победник 35-35, резултат кој не им оди во прилог ниту на едните, ниту на другите.
За Португалија ова беше прв бод во главната рунда, има исто три бода колку и Норвешка. Сето ова не е доволно за оставрување на полуфинале, бидејќи Германија има 6 бода, додека Данска и Франција по 4, тие допрва ќе ги одиграат мечевите од третото коло.
Иако скандинавската селекција во вториот дел имаше позитива, која во еден момент изнесуваше плус три 20-23, сепак Португалците најдоа начин да се вратат во дуелот и да поведат со 31-28. Сепак последната минута беше вистинска драма, Мартим Кошта не реализираше за победа при 35-36, па на потег беше Норвешка, која исто така не искористи 15 секунди, Валерио се најде на вистинското место.
Фраде имаше 11 гола кај Португалија, додека на другата страна Педерсен запиша 10 погодоци.
