Во очекување на утрешните финални битки од лигашката фаза во Лигата на шампионите, само два тим имаат сигурен пласман во осминафиналето, без разлика како ќе завршат утрешните дуели. Арсенал (21 бод) и Баерн (18) веќе и математички се во завршната рунда, па утрешните дуели со Каират, односно ПСВ и немаат голема значење, освен за освојување на првото место на табелата на крајот.
Арсенал ќе остане прв освен ако не загуби од Каират во последното коло. Доколку Арсенал загуби (што изгледа малку веројатно), ќе го задржат првото место во сите варијанти, освен ако Баерн Минхен не освои три бода на гости кај ПСВ.
Реал Мадрид и Ливерпул имаат по 15 бода. Овие европски великани дефинитивно ќе играат во плеј-офот на Лигата на шампионите. Единственото прашање е дали ќе се пласираат директно во осминафиналето. Победа во последното коло ќе им гарантира на двата тима место меѓу првите осум. Реал Мадрид ќе игра против Бенфика на гости, додека Ливерпул ќе игра против Карабах дома.
Тотенхем со 14 бода и победа во последното коло против Ајнтрахт Франкфурт на гости ќе му гарантира на англискиот тим место во осминафиналето. Реми можеби ќе биде доволно ако Тотенхем добие помош од некои од противниците што се наоѓаат пониско на табелата.
ПСЖ, Њукасл, Челзи, Барселона, Спортинг, Манчестер Сити, Атлетико, Аталанта, сите имаат по 13 бода, па ја чекаат шансата за „кикс“ на Реал Мадрид, Ливерпул и/или Тотенхем за да стигнат до ТОП 8. Гол-разликата ќе игра значајна улога. Натпреварот ПСЖ-Њукасл ветува дека ќе биде во фокусот.
