Комплетирани се полуфиналните двојки на Европското првенство. Данска ќе игра против Исланд, додека Германија против Хрватска, завршниот викенд е резервиран за „Јиске Банк Боксен“ Арената во Хернинг.
Утрешниот ден на ЕП е слободен, додека во петок ќе се одиграат двете полуфиналиња, како и битката за петтото место која ќе ја водат Португалија и Шведска (15 часот).
Данска не дозволи во мечот против Норвешка да биде изненадена, одигра уште еден неверојатен меч, славеше со убедливи 38-24 и заврши како првопласирана во групата 1. Многумина им забележаа на нашите момци зошто загубиле со 12 гола разлика од Данска, но после вечерва најверојатно им е кристално јасно што значи оваа селекција во светски рамки.
Во вториот меч кој се одигра во Малме, Шведска која остана без полуфинале, славеше убедливо против Швајцарија 21-34.
