По поразот во финалето против Франција на ЕХФ ЕУРО 2024, Данска ќе има нова шанса за златен медал прв после 2012 година. Домаќинот на ЕП, за титулата ќе се соочи со Германија. Финалистите меѓусебно играа и во главната рунда, пред само шест дена.
Данска сака да ги обедини светската, олимписката и европската круна. На другата страна Германија оди по златниот медал после 2016 година.
Шеснаесет години по освојувањето на првиот бронзен медал на ЕХФ ЕУРО, Исланд има можност во недела да го повтори тој успех, но за тоа ќе мора да ја совлада Хрватска, која ја брка својата вкупно седма медала на европските првенства. Двете селекции исто така се сретнаа и претходно оваа недела, во рамки на главната рунда. Дуелот е закажан со почеток во 15 часот.
ФИНАЛЕ
Данска – Германија/ 18:00 часот/ Меѓусебни дуели: 12 победи – 2 ремија – 9 порази
-
Една од селекциите ќе ја освои својата трета титула на ЕХФ ЕУРО: Данска беше шампион во 2008 и 2012 година, додека Германија го крена пехарот во 2004 и 2016
-
Данска има шанса да стане втората машка репрезентација, по Франција во 2010 година, која истовремено ги држи сите големи трофеи – Олимписки игри, Светско првенство и ЕХФ ЕУРО
-
Двете селекции победија во полуфиналето со ист резултат – 31:28; Данска против Исланд, Германија против Хрватска
-
За Германија ова е прво финале на ЕХФ ЕУРО по 2016 година и прв медал на Европско првенство од тогаш; вклучувајќи ја и 2002 година, ова е нивно четврто европско финале
-
Данска ги загуби последните две финалиња на ЕХФ ЕУРО – во 2014 во Хернинг и во 2024 во Келн, двата пати против Франција; скандинавската селекција ќе го игра своето петто финале на Европските првенства.
