На интернет се појавија видеа кои ги изненадија дури и најголемите фанови на Кристијано Роналдо. Португалецот го прослави својот 40-ти роденден на луксузна приватна забава, далеку од очите на јавноста. Во време кога неговата кариера поминува низ турбулентен период, Роналдо покажа сосема поинакво лице.
Посебно внимание привлече и емотивниот момент во кој Роналдо танцува со својата мајка – жената која, како што повеќепати истакнувал, му била најголема поддршка во текот на целата кариера.
Набргу потоа следуваше уште еден кадар што ги трогна фановите ширум светот – танцот со свршеницата Родригез, која е покрај него со години и со него ги дели и подемите и падовите.
Сето тоа доаѓа во момент кога Кристијано Роналдо се наоѓа среде сложена ситуација во Саудиска Арабија, каде во последните недели трпи сериозни критики и потсмев од дел од навивачите.
Се чини дека некои саудиски навивачи воопшто не се согласуваат со потезите на португалската ѕвезда, особено по скандалот со раководството на саудискиот фудбал и неговата одлука да ја напушти земјата.
Роналдо одби да игра за Ал-Наср на натпреварот против Ал-Ријад и, според извори од Саудиска Арабија, решил да ја напушти земјата и да се врати во Португалија.
Реакциите не изостанаа, а на социјалните мрежи брзо се појавија иронични и подбивни коментари упатени кон Мадеиранецот, кој од доаѓањето во Саудиска Арабија беше една од најголемите спортски атракции во регионот.
Ситуацијата отиде толку далеку што во средата наутро на улиците на Ријад се појавија плакати на уличните светилки со порака дека Кристијано Роналдо исчезнал.
Медиумите претходно објавија дека Кристијано Роналдо е подготвен да размисли за предвремен раскин на договорот со Ал-Наср, а како опции се споменуваат преселба во американската МЛС лига или враќање во Европа.
И додека шпекулациите за неговата иднина продолжуваат, снимките од роденденската забава покажуваат една поинаква страна на Роналдо – онаа во која семејството, емоциите и моментите на среќа се поважни од сè друго.
View this post on Instagram
View this post on Instagram
