На Манчестер Јунајтед и тоа како му тргна со Мајкл Карик. Без разлика на се, сепак се покажа дека човекот си ја знае својата работа, дека знае како да го “дигне“ тимот. Едноставно овој негов Јунајтед е сосема нешто друго од оној Јунајтед од времето на Рубен Аморим.
Тој го направи првиот сериозен потег на клупата на Манчестер Јунајтед и јасно стави до знаење дека неговата ера нема да личи на она што го направија Ерик тен Хаг и Рубен Аморим.
Најголемата промена се однесува на неделниот распоред за тренинзи, поточно денот по натпреварите, кој досега беше резервиран за закрепнување.
За разлика од Тен Хаг и Аморим, кои инсистираа играчите да доаѓаат во тренинг центарот денот по натпреварот, Карик одлучи да им даде слободен ден. Во претходниот систем, фудбалерите кои не играа најмалку 45 минути мораа да поминат низ цел тренинг, додека останатите имаа строго дефинирани сесии за закрепнување.
Сега сè се промени – закрепнувањето е поместено на денот на враќањето во Карингтон, а денот по натпреварот е резервиран исклучиво за одмор. Карик веќе се етаблираше како авторитет, го скрати времетраењето на тренинзите, но во исто време го зголеми нивниот интензитет.
Посебно внимание се посветува на дефанзивната линија, каде што поранешните стопери Џонатан Вудгејт и Џони Еванс работат директно со централните бекови на техничките детали и позиционирањето.
Промените се видливи и на денот на натпреварот, бидејќи Манчестер Јунајтед сега пристигнува подоцна на “Олд Трафорд“ отколку порано.
Под водство на Ерик тен Хаг, тимот пристигнуваше на стадионот до четири часа пред почетокот на натпреварот, што Карик одлучи да го промени. Тен Хаг беше првиот тренер на Јунајтед кој сериозно го воведе концептот на задолжителни денови за закрепнување, а Аморим ја задржа оваа практика без исклучок.
Иако „Црвените ѓаволи“ речиси секогаш имаа слободен вторник оваа сезона поради малкуте натпревари во текот на неделата, тие сепак тренираа на тој ден оваа недела.Новата одлука на Карик значи дека играчите на Јунајтед ќе имаат слободен ден оваа недела. Манчестер Јунајтед е домаќин на Тотенхем на „Олд Трафорд“ во сабота, каде што ќе се обидат да ја забележат четвртата последователна победа под водство на Мајкл Карик.
