Бразилскиот репрезентативец Родриго доживеа нова повреда и го остави својот Реал Мадрид „на цедило“ пред најважниот дел од сезоната. Имено Родриго доживеа мала повреда на натпреварот против Атлетико Мадрид во Суперкупот на Шпанија и од тогаш не добиваше многу минути во екипата на „кралевите“. Сепак, медиумите од Шпанија денес објавија дека бразилецот доживеал потешка повреда која ќе го оддалечи од терените најмалку 3 недели.
Медицинскиот тим на Реал дијагностицирал тендиоза на задната ложа на десната нога на Родриго. Се очекува Родриго да биде спремен за натпреварот против Осасуна, кој Реал ќе го одигра на 21 февруари.
