Човекот под чија палка екипата а Шкипи ја почна зимската подготовка за вториот дел од сезоната, денеска објави дека си заминал од Чаир. Еркан Мурсели потврди дека си замина од кормилото на клубот и чаирчани ќе мора да бараат нов тренер.
„Како главен тренер на фудбалскиот клуб Шкупи јавно ја објавувам оставка од оваа позиција. Мојата одлука доаѓа како резултат на неодамнешните случувања и несаканите движења кои се случуваат во клубот. Би сакал да нагласам дека оваа задача ја прифатив само од љубовта и почитта што ја имам кон Шкупи, давајќи го мојот професионален и човечки максимум, без да имам никаква придобивка. Во овие околности, сметам дека е невозможно да се продолжи соработката. На клубот му посакувам стабилност, јасност на лидерството и успеси во иднина“, напиша Мурсели на социјалните мрежи.
Шкупи веќе во вторник во Кавадарци се среќава со Тиквеш.
