Ѕвездата на Вашингтон Визардс, Ентони Дејвис, ќе го пропушти остатокот од НБА сезоната 2025-26 поради повреди на раката и препоните.
Визардс донесоа официјална одлука да не го вратат Дејвис на теренот до крајот на сезоната, за да може целосно да се опорави и да биде максимално подготвен за сезоната 2026-27.
Информацијата беше објавена во петокот од страна на инсајдерот од НБА, Крис Хејнс.
„Се очекува ѕвездата на Вашингтон Визардс, Ентони Дејвис (рака, препони) да го пропушти остатокот од сезоната за целосно да се опорави за сезоната 2026-27“, рече Хејнс.
Дејвис пристигна во Вашингтон од Далас Маверикс во голема размена во која Визардс ги добија и Џејден Харди, Д’Анџело Расел и Данте Ексум.
