Не се сите среќни и радосни што во нивниот град се одржуваат ЗОИ. Имено на протестот против Зимските олимписки игри денеска во Милано, дојде до инцидент меѓу демонстрантите и полицијата. Иако протестот започна како мирна прошетка, ситуацијата ескалираше кога некои учесници почнаа да фрлаат факели и шишиња кон полицијата, карабињерите и членовите на Финансиската гарда. Полицијата одговори со водени топови и солзавец, објавува „Милан Тудеј“. Протестот, на кој учествуваа околу 10.000 луѓе, беше организиран од Комитетот против домаќинството на Олимписките игри (CIO), како и од локалните синдикати, здруженија за права на домување и социјални центри. Демонстрантите го изразија своето противење на економскиот модел што го сметаат за неодржлив за градот Милано.
Кога конвојот стигна до улицата Марокети, група маскирани демонстранти облечени во црно почнаа да фрлаат факели и шишиња кон полицијата и карабињерите, што предизвика реакција од безбедносните сили. Иако судирите траеја само неколку минути, ситуацијата доведе до неколку апсења. Учесниците во колоната долга речиси четири километри, исто така, изразија различни политички ставови, носејќи транспаренти со антиолимписки слогани. Меѓу демонстрантите беше и пропалестинска група која носеше транспаренти против израелската окупација на Газа.
“These Olympic Games are against nature and against people.” Thousands of people marched through Milan to protest housing costs and urban affordability on the first day of the Milano Cortina Winter Olympics. pic.twitter.com/iPcpXwuvQN
— USA TODAY (@USATODAY) February 7, 2026
