Поради бурите кои ја погодија Андалузија, денеска нема да се одигра ниту мечот меѓу Севиља и Џирона закажан од 23. коло во Ла Лига.
Како што предмалку објавија од Севиља, клубот ги почитува препораките од властите и реши да го одложи натпреварот за утре во терминот од 16.15 часот.
„Целосно ја поддржуваме одлуката донесена од властите. Главен приоритет е да се обезбеди безбедноста на нашите навивачи, бидејќи многу од нив ќе мораа да патуваат за да присуствуваат на натпреварот, а со оглед на моменталните временски услови и состојбата на реките во нашата покраина и нашиот регион, ова не можеше да се направи под минимални безбедносни услови. Од првиот момент, а со оглед на временските услови, клубот се стави на располагање на властите да соработуваат во сè што е потребно, разбирајќи дека натпреварот треба да биде одложен. Изразуваме целосна солидарност и поддршка за сите оние кои на еден или друг начин страдаат од тешкотиите предизвикани од последователните бури што ја погодија Андалузија“, се вели во клупското соопштение од Севиља.
