По се она што се случи со Линдзи Вон, нови страшни, хорор сцени доаѓаат од ЗОИ 2026 во Милано и Кортина. Имено кинеската сноубордерка Лиу Џијају доживеа ужасен пад за време на натпреварот. Лиу го започна настапот со видлива самодоверба, но еден момент на невнимание беше фатален.
По слетувањето, таа ја изгуби рамнотежата, падна прво на рака и рамо, а потоа директно на глава.
Она што следеше ги загрижи сите присутни, кинеската натпреварувачка остана неподвижна на патеката, не можејќи да стане, што предизвика тишина на патеката.
Медицинскиот тим реагираше брзо, а организаторите веднаш го прекинаа натпреварот. Паузата траеше десет минути со цел да ѝ се помогне и да се обезбеди безбеден транспорт.
Поради сериозноста на ситуацијата, беше одлучено Лиу да биде итно префрлена во болница со хеликоптер за дополнителни тестови и медицински третман.
Chinese snowboarder Liu Jiayu takes a worrisome fall on this afternoon’s Women’s Half Pipe during Milano-Cortina 2026.
Hoping for a healthy recovery! pic.twitter.com/N4ulRvjPlV
— @nicmartinezva.bsky.social (@nicmartinezva) February 11, 2026
