Фудбалерите на Интер ја совладаа екипата на Јувентус со 3:2 во вечерашното Дерби на Италија кое се одигра во рамките на Серија А. Гостинските фудбалери играа со играч помалку уште од 42-та минута кога Калулу доби втор жолт картон.
Интер поведе рано со автоголот на Камбиасо во 17-тата минута, но младиот италијанец се искупи за својата грешка и го изедначи резултатот само 9 минути подоцна. Во второто полувреме Интер повторно поведе преку Еспозито во 70-тата минута, но „ранетиот“ Јувентус повторно успеа да изедначи со голот на Локатели во 83-тата минута. Во последните минути од натпреварот полјакот Зиелински постигна гол за голема радост на домашниот тим.
Со овој триумф Интер остана на првата позиција на табелата со 61 бод, а Јуве падна на 5-тото место со 46 бодови.
