Двајца фудбалери на Вардар имаат проблеми со колената од кои најсериозна е онаа на стоперот Фаустин Сенгор кој во текот на неделата која следи ќе мора да оди на оперативен зафат поради пролемите со менискусот. Искусниот стопер се повреди на поготовките во Анталија исто како и Муса Раматхан кој веќе е извесен период во аут. За фудбалерот од Уганда сезоната е завршена, а најверојатно тоа ќе биде случај и со Фаустин Сенгор.
Поради помала повреда, но не така наивна од тимот на Вардар во аут е и Давид Бабунски, кој има проблеми со колатералниот лигамент. Со терапии веќе три недели се санира повредата поради која „црвено-црните“ настапија без Бабунски на дуелот со Аресими, така ќе биде и денеска против Работнички.
Од друга страна пак право за настап и деби за Вардар ќе има новиот аргентинец Торес.
