Арсенал ќе гостува кај Менсфилд Таун во петтото коло од ФА Купот. Вечерва со ждрепка беа одредени комплетните двојки, а „топчиите“ се чини имаа најмногу среќа, затоа што за ривал во осминафиналето го добија најнискорангираниот тим кој игра во Лига 1.
Второлигашот Рексам доби уште еден домашен натпревар, па сега ќе го пречека Челзи на Хиподром Граунд. „Црвените змејови“ веќе елиминираа противник од Премиер лигата откако го победија Нотингем Форест на пенали во третото коло.
Во меѓувреме, Њукасл ќе биде домаќин на Манчестер Сити во реприза на нивниот полуфинален натпревар од Карабао Купот. Нивниот натпревар е еден од двата натпревари меѓу премиерлигаши, заедно со гостувањето на Ливерпул кај Вулверхемптон.
Натпреварите од петтото коло ќе се играат во текот на викендот, сабота, 7 март.
The #EmiratesFACup fifth round draw 🏆
— Emirates FA Cup (@EmiratesFACup) February 16, 2026
