Со петтиот гол оваа сезона, македонскиот репрезентативец Лирим Ќамили му донесе голема победа на Сондерјиске на дуелот со Силкеборг од 2:1 во мечот од 20. коло во данската суперлига. Гостите имаа предност од 1:0, но во последните 15 минути, Сондерјиске предводен од нашиот напаѓач успеа да направи целосен пресврт.
Напрво дмашните израмнија во 77. минута, по што на 6 минути пред крајот добија пенал, а сигурен егзекутор беше нашиот голгетер.
Со оваа победа Сондерјиске е на четвртото место на табелата и сега го напаѓа Брондби на третото место.
