Пелистер се подготвува за дуелот против Висла Плоцк, кој е во рамките на Лигата на шампиони. Македонскиот првак игра на домашен терен, а билетите за овој натпревар веќе одамна се пуштени во продажба.
Мечот со полскиот тим ќе биде прв во ЛШ за Стевче Алушовски во кам-бекот на клупата на битолчани. Свесен е за квалитетот на противникот, но најави максимална борба потенцирајќи дека Пелистер е секогашн конкурентен и против најсилните кога игра пред своите навивачи.
„Задоволство е што се враќам во мојот клуб. Работиме напорно и сме подготвени за натпреварот со Висла Плоцк. Полскиот шампион е еден од најдобрите тимови во Европа, но ние сме конкурентни против секој тим и со нашите навивачи ветуваме голем натпревар против Плоцк“, рече стратегот на Пелистер.
Мечот се игра во четврток со почеток во 20:45 часот.
