Ѕвездата на Ал-Наср, Кристијано Роналдо, проговори јавно за прв пат откако бојкотираше два натпревари на својот тим претходно овој месец. 41-годишниот Португалец постигна два гола во победата од 4-0 над Ал-Хазем, со што го искачи својот тим на врвот на табелата откако Ал-Хилал ремизираше со Ал-Итихад претходно. Спротивно на гласините дека би можел да замине во текот на летото, Кристијано Роналдо инсистираше дека му е местото во Саудиска Арабија и сака да продолжи да игра таму.
„Многу сум среќен. Како што реков многу пати, јас ѝ припаѓам на Саудиска Арабија. Ова е земја која многу добро ме пречека мене, моето семејство и моите пријатели. Среќен сум тука. Сакам да продолжам. Најважно е да продолжиме да се бориме. Ние сме на врвот. Нашата работа е да победуваме, да вршиме притисок врз нашите ривали за титулата и ќе видиме. На вистинскиот пат сме. Добри сме и сме самоуверени. Во добра форма сме, ајде да видиме што ќе се случи“, рече ентузијастичниот Кристијано Роналдо по вчерашниот успех. Договорот на Кристијано Роналдо, од кој преостануваат уште речиси 18 месеци, има откупна клаузула од 50 милиони евра.
