Кошаркарската федерација на Македонија упатува искрена благодарност до организаторите од Македонска Каменица и до клубот Баскет Кам за извонредната организација на годинашниот кошаркарски Куп на Македонија во женска конкуренција.
Настанот беше реализиран на високо професионално ниво, со одлична логистика, беспрекорни услови за игра и гостопримство, кое уште еднаш потврди дека Македонска Каменица е подготвена да биде домаќин на врвни спортски манифестации.
Целокупната организација, координација и посветеност на домаќините придонесоа Купот да помине во спортски дух, фер и коректна атмосфера, на задоволство на екипите, публиката и целокупната спортска јавност.
Посебна благодарност упатуваме и до градоначалничката на Општина Македонска Каменица, Соња Стаменкова, за нејзината поддршка и личен ангажман во организацијата на овој значаен спортски настан.
Поддршката од локалната самоуправа претставува силен поттик за развојот на женската кошарка и за афирмација на спортот во целина.
Кошаркарската федерација останува отворена за понатамошна соработка со Општина Македонска Каменица и со клубот Баскет кам, со заедничка цел – континуиран развој и унапредување на женската кошарка во Македонија.
