Германецот Ханси Флик стана тренер на Барселона во 2024 година, и на сите им беше јасно дека е познат по својата жестока дисциплина, па веднаш воведе 10 строги правила. Времето и избегнувањето на доцнење се голем дел од неговиот пристап, а во март 2025 година Кунде го почувствува гневот на Флик. Тој задоцни на состанок на тимот во хотелот „Торе Мелина Гран Мелија“ пред натпреварот со Рајо Ваљекано.
Французинот потоа доби жолт картон за инцидентот, а Инаки Пења, Рашфорд и Рафиња беа исфрлени од стартната постава поради доцнење на состанок на тимот.
Во нов развој на настаните, објавено е дека казната за доцнење е значително зголемена.
Педри зборуваше за сè на шпанската телевизија.
„Што се однесува до точноста, малку ја променивме. Ако задоцните, плаќате казна“ посочи играчот за врска.
После тоа, беше откриено дека за 10 минути доцнење на денот на натпреварот, се изрекува казна од 40.000 евра.
Феран Торес исто така зборуваше за сè.
„Не можам ни да замислам колку пари би чинеле 20 минути.“ истакна напааѓачот.
Флик претходно редовно зборуваше за важноста на точноста за своите играчи, а во 2024 година рече дека доцнењето го смета за недостаток на почит.
„Ако пишува 13:30 часот, тогаш не е ниту 13:29 часот ниту 13:31 часот. Пред натпреварот имаме два или три состаноци. Важно е играчите да бидат таму и да не е тешко да се стигне на време. Станува збор за почит кон колегите. Доцнење, дури и една минута, е недостаток на почит кон соиграчите“, рече тогаш Флик.
Нов натпревар ја очекува Барселона во сабота на „Камп Ноу“ против Виљареал.
