Дисциплинската комисија при Фудбалската Федерација на Македонија на денешната одржана седница ги донесе одлуките кои што се однесуваат на изминатите кола како во ПМФЛ така и во ВМФЛ шампионатот.
Па така, неколку одлуки се однесуваат на мечот од 19. коло од ПМФЛ помеѓу Вардар и Башкими.
Фудбалерот на Башкими, Реџеп Мурати за црвениот картон на натпреварот против Вардар му се изрекува забрана на настап на четири натпревари.
Имери Флурим тренер на ФК Башкими поради добиен црвен картон на дуелот против Вардар му се изрекува забрана за вршење на функција од 1 месец. Љатифи Сазан тренер на ФК Башкими поради добиен црвен картон на истиот натпревар доби забрана за вршење на функција од 1 месец.
Исто така, тренерот на Работнички, Муарем Муарем ќе мора да одлежи суспензија поради црвениот картон на дуелот против Брера во Струмица.
На Муарем Муарем од ФК Работнички за исклучувањето на натпреварот од 19. коло во ПМФЛ против АП Брера изречена му е забрана за вршење на функција од еден месец. Идентична казна доби и тренерот на голманите на ФК Работнички, Матеј Миленков кој исто така беше исклучен на средбата во Струмица.
Останатите одлуки се следните:
Фудбалерот на Работнички, Никола Пејовиќ за црвениот картон на четвртфиналниот натпревар во Купот на Македонија против Шкендија Арачиново нема право на настап на еден натпревар.
Лазе Гичев фудбалер на ФК Слога 1934 Виница поради добиен црвен картон на натпревар од 16 коло Втора МФЛ меѓу екипите на ФК Слога 1934 Виница-ФК Скопје доби забрана на настап на два натпревари.
На Ромео Кочоски од ФК Охрид Лихнидос исклучен на натпреварот од четвртфиналето на Куп на Македонија против ФК Вардар-ФК Охрид Лихнидос му се изрекува забрана за вршење на функција од 1 месец.
Давид Матески фудбалер на ФК Охрид Лихнидос исклучен на истиот натпревар од Купот на Македонија му се изрекува забрана за настап на 1 натпревар.
Горан Томоски фудбалер на ФК Беласица исклучен на натпревар од 16 коло против ФК Охрид Лихнидос му се изрекува забрана за настап од 1 натпревар.
