Во еден од одлучувачките натпревари за пласманот на 4. место во плеј-аутот, екипата на Куманово на домашен терен прилично убедливо ја совлада екипата на Струга со 30:20 и дојде до три бода предност пред директниот конкурент за оваа позиција.
Кумановци денеска беа подобар тим пред своите навивачи и не се намачија премногу за да дојдат до посакуваните бодови. Во првиот дел направија предност од 13:9, а во второто полувреме успеаја да одиграа уште подобро и да дојдат до уште поубедлив триумф.
