Возачот на Априлија, Марко Бецеки, триумфираше на Големата награда на Тајланд, со која започна годинашниот шампионат во Мото ГП. Италијанецот ја освои третата последователна победа во кариерата на патеката „Чанг“ во Бурирам, станувајќи прв во историјата на Априлија на кого му успеало тоа. Во исто време, по 13-ти пат во кариерата, а по седми пат во кралската класа, Бецеки се најде на највисокото скалило на подиумот. Популарниот Беце ја помина целта со пет секунди предност пред Педро Акоста, победникот на саботниот спринт, додека Раул Фернандез од Тракхаус беше на третото скалило на подиумот. Трката беше обележана и со ситуација шест круга пред крајот, кога Марк Маркез мораше да се откаже поради проблем со гумата. На овој начин, неверојатната серија на Дукати заврши, бидејќи по 1.798 дена ниту еден возач од италијанскиот тим не стигна до подиумот.
Претходната трка без Дукати на подиумот беше Големата награда на Велика Британија во 2021 година. Тој ден, возачот на Јамаха, Фабио Куартараро, триумфираше пред Алекс Ринс на Сузуки и Алес Еспаргаро, кој тогаш ги бранеше боите на Априлија.
По првиот тркачки викенд, Акоста води во генералниот пласман со 32 бода, по него следуваат Бецеки со 25 и Фернандес со 23.
Шампионатот во Мото ГП продолжува со Големата награда на Бразил на патеката Аиртон Сена од 20 до 22 март.
