Пелистер на дело покажа дека може да се носи со големи имиња во Лигата на шампиони. Македонскиот првак го запиша второто реми сезонава, овој пат против ѕвездениот ПСЖ. Во самиот финиш Дејан Манасков постигна гол и ги постави конечните 34-34. Ова беше последен меч за Пелистер на домашен терен во ЛШ.
„Возбудлив натпревар, кој можеше да заврши и со нашата победа, но и со пораз. На крај успеавме да постигнеме гол во самиот финиш и да освоиме бод.
Мислам дека се покажавме во одлично светло за последен пат оваа сезона во Лигата на шампиони во Битола. Ова е патот по кој што треба да чекори тимот во првенството. Кога играме на вакво ниво и пред домашна публика, тешко дека немој може да не победи во Супер-лигата. Треба повеќе да веруваме во себе и да ги намалиме техничките грешки во клучните моменти“, рече Манасков.
