Екипата на Македонија ЃП пролетва веќе направи еден кикс на свој терен кога во рамките од 19. коло во Ѓорче Петров загуби од екипата на Тиквеш. Сега, кога по распоред е нов дуел од ПМФЛ шампионатот, „лавовите“ имаат само една задача, а тоа е оавојување на три бода.
Противникот е по мерка, онаков каков што и се посакува кога победата е императив. Тимот на Работнички се мачи сезонава, претпоследен е на табелата, и тоа значи само едно. Домашни бодови се реалност.
„Нормално е да посакуваме победа. Тоа не е нешто што би изненадило неккого. Ние секогаш кога излегуваме на терен посакуваме да победиме. Секој домашен меч сезонава за нас е од огромна важност и нормално е со таков пристап да влегуваме. Секоја чест кон Работнички квалитетен тим, местото на табелата не ја одсликува силата на оваа екипа, но ние веруваме во нашиот квалитет и ќе го дадеме максимумот. Бодовите нас ни се неопходни, и вакви шанси за нивно освојување не смееме да пропуштаме повеќе“ – изјави Филип Стојчевски.
