Во два дена, две убави ракометни приказни во Македонија. Прво Вардар во Скопје ја победи Бенфика во Европска лига, потоа Пелистер во Битола му зема бод на големиот ПСЖ во Лигата на шампиони.
И на два меча трибините беа исполнети до последно место, а ракометарите играа пред одлична атмосфера, навивачите во Македонија знаат како да ги понесат своите миленици.
Синоќа од салата „Боро Чурлевски“ повторно беше испратена порака дека Битола е спортски град, дека овој град живее за ракометот. На трибините можевме да видиме бројни млади дечиња, во Битола љубовта кон „зелено-белиот“ дрес е начин на живеење.
