Кристијано Роналдо има 41 година и двапати играл во Премиер-лигата, двата пати за Манчестер Јунајтед. Во својата кариера, тој играл и за Спортинг, Јувентус, Реал Мадрид, а моментално е фудбалер на Ал Наср.
Минатиот месец, Роналдо одлучи да „штрајкува“ бидејќи сметал дека сопствениците на клубот за кој игра не инвестираат доволно во тимот. Сопственици на Ал Наср се и сопственици на Ал Ахли и Ал Итихад, како и на тимот од Премиер-лигата Њукасл Јунајтед.
Роналдо не беше во составот за натпреварите против Ал Итихад и Ал Ријад, а потоа се врати за да постигне два гола во победата од 4-0 над Ал Хазем.
Сега се појави информација дека Кристијано Роналдо прави изненадувачки трансфер во Челзи на лето.
Тоа би се случило, наводно само ако Кристијано Роналдо е подготвен да земе дел од својата моментална плата во Саудиска Арабија.
Трансфер специјалистот Фабрицио Романо зборуваше за сè и ги отстрани сите сомнежи за оваа информација.
„Многу луѓе ме прашуваат за оваа тема во последните денови, а можеби имало и некои врски во Англија. Сепак, ова секако е целосно лажна вест. Апсолутно нема ништо помеѓу Кристијано Роналдо и Челзи. Не мислам дека треба да објаснувам ништо дополнително“, заклучи Романо.
Роналдо постигна 21 гол на 22 натпревари оваа сезона и моментално е надвор од терените поради повреда на тетивата.
Се очекуваше дека нема да отсуствува долго, но повредата е посериозна отколку што првично изгледаше.
