Играчот од средниот ред на Реал Мадрид, Федерико Валверде, имаше свој коментар по неговиот феноменален настап против Манчестер Сити. Уругваецот постигна хет-трик против „граѓаните“ во првиот натпревар од осминафиналето на Лигата на шампионите.
„Неверојатно е, секогаш сонуваш за вакви ноќи. Сакам да им се заблагодарам на моите соиграчи, кои ми ја даваат самодовербата што ми е потребна за да бидам расположен, на тренерскиот персонал и на сите што нè поддржуваа, иако беше тешка сезона“, започна Валверде.
„Мојот најдобар натпревар? Дефинитивно, особено во однос на головите. Навистина уживав денес; не сум уживал во ваков натпревар веќе некое време. Среќен сум, возбуден сум, но пред сè сум среќен што тимот победи. Се обидувам да играм напред, тоа е она што тренерот го сака од мене, да напаѓам. Денес имавме повеќе играчи кои ја контролираа топката, а јас се обидов да напаѓам повеќе и добив неколку неверојатни додавања“, истакна покрај другото Уругваецот.
