Претседателот на ФИФА, Џани Инфантино, зборуваше за борбата против расизмот во фудбалот и ги наведе мерките што ќе ги преземе. Тој потенцира дека нема место за расизам и дека ќе имаат нулта толеранција.
„Расизмот нема место. Мора да се бориме против него со сета сила. 2026 година е и не можеме да дискриминираме никого поради неговото потекло. Понекогаш луѓето велат дека расизмот е општествен проблем. Да, но во фудбалот мора да се справиме со овој проблем и општеството ќе го реши како што смета за соодветно.
Во фудбалот не треба да има расизам и нема изговор за негово толерирање. Нулта толеранција. Покривањето на устата и кажувањето нешто e неприфатливо. Ако играчот ја покрие устата со раката и каже нешто расистичко, очигледно треба да биде исклучен.
Секако, кога станува збор за дисциплинска работа, мора да ја анализираме ситуацијата и да имаме докази, но повеќе не можеме да ги прифаќаме истите изговори“, го цитираше AS Инфантино.
