Одличните настапи во Шкендија беше доволна причина за да Имран Фетаи да добие дебитанска покана за настап во дресот на Македонија, открија од таборот на актуелниот македонски првак.
Според нив селекторот Гоце Седлоски, ги покани играчот од средниот ред Решат Рамадани и дефанзивецот Имран Фетаи за двата квалификациски натпревари што ќе се одржат на крајот од месецот.
Македонија ќе се соочи со Данска на 26 март во Копенхаген и Ирска или со Чешка на 31 март во Даблин или Прага.
За Рамадан, ова е уште една покана за А репрезентацијата, додека за Имран Фетаи, ова е негов прв повик, кој доаѓа по многу успешната сезона со Шкендија и во домашното првенство и на меѓународната сцена, каде што црвено-црниот тим испиша историја во Конференциската лига на УЕФА.
