Денеска во Пирава се одигра големото дерби меѓу Ударник и Победа Валандово во меч од Третата лига. Штета што немаше голови, немаше победник, но затоа според слободна проценка на единствената трибина во Пирава имаше најмалку 1.500 гледачи што е голема бројка и за нашите прволигаши, па и за гигантите на кои на нивните мечеви има 100 до 200 гледачи.
Токму затоа прашање од Пирава по денешниот меч: “Спиеш ли мирно Прва лиго?“
И со право.
Вака се сака фудбалот, вака е кога играат големите ривали од Пирава и Валандово на југот на Македонија.
Секоја чест!










