Лука Дончиќ ја потврди својата животна форма во победата на ЛА Лејкерс над Хјустон Рокетс (100:92). Ова беше шеста последователна победа на Лејкерс и деветта во последните десет натпревари. Дончиќ беше најефикасниот играч на натпреварот со 36 поени (14/27 шут од поле). Додаде шест скока, четири асистенции и две украдени топки.
Со својот настап против Хјустон, Дончиќ го израмни рекордот на легенда на Лејкерс. Словенецот сега има 52 натпревари со 30 поени, ист број постигнати од Џејмс Ворти. Какво достигнување е ова, сведочи и ова – членот на Куќата на славните, трикратен освојувач на титули и седумкратен Ол-стар, му требаа 12 години со Лејкерс за да има толку многу натпревари со 30 поени. Дончиќ тоа го достигна за една година и еден месец.
Дончиќ застана покрај уште една легенда на еден од најголемите клубови и најсилната лига. Словенецот е водечки стрелец во НБА оваа сезона, со просек од 32,8 поени по натпревар. Тоа се најдобрите бројки за играч на Лејкерси од Коби Брајант во 2006 година.
Суперѕвездата на Лејкерси игра во најдобра животна форма. Март во НБА може да се нарече месец на Лука Дончиќ. Тој е прв во лигата по поени и тројки, трет по украдени топки, петти по асистенции и седми по скокови.
По Дончиќ во Хјустон следеа Леброн Џејмс со 18 поени и пет скока и пет асистенции, Остин Ривс со 15 поени, пет асистенции и четири украдени топки и Деандре Ајтон со 7 поени и 11 скока. Хјустон го предводеа Џабари Смит со 22 поени и осум скока и Амен Томпсон со 19 поени, 12 скока и пет асистенции.
Атланта – Орландо 124:112
Вашингтон – Голден Стејт 117:125
Бостон – Феникс 120:112
Бруклин – Портланд 95:114
Чикаго – Мемфис 132:107
Њу Орлеанс – Далас 129:111
Хјустон – ЛА Лејкерс 92:100
ЛА Клиперс – Сан Антонио 115:119
