Екипата на Пелистер (до 18 години) ќе се бори за нов пласман во завршницата во Лигата на шампиони.
Овој пат ќе биде дел од турнирот кој ќе се одржи на 30/31.03.2026 година во Пореч, Хрватска, каде во првиот полуфинален натпревар ќе ги одмери силите со екипата на РК Алборг од Данска. Во второто полуфинале ќе се соочат Загреб и Фуксе Берлин, а победниците од двете средби ќе играат за место на Ф4.
Од таборот на клубот го претставија тимот кој ќе се бори за нов голе успех:
Во составот на тимот кој ќе се бори за пласман во финалето се: Мацанковски Јован, Пајковски Василиј (голмани), Велјановски Павел, Кебаковски Томислав, Кочанов Лука, Бундалевски Константин, Георгиев Андреј (крилни играчи), Спировски Тео, Марковски Владимир, Здравковски Давид, Василевски Стефан, Мијалчев Горазд, Митровски Иван, Дуковски Александар (бекови), Бојчевски Бојан и Симоновски Јован (пивоти), под водство на тренерите Мемиќ Фарук и Митревски Кире.
