Шампионите во НБА лигата за 2021 година се преед пресвртница – со или без Јанис Адетокумбо и целосна реконструкција на тимот. Ова прашање не е ново, се актуелизира веќе најмалку една година и им тежи на двете страни на преговарачката маса, а на крајот на краиштата, ќе влијае и на резултатите на Бакс, кои по долго време нема да се пласираат во плеј-офот оваа сезона.
Милвоки влегува во сезоната на 11-то место на Истокот, осум победи зад првиот тим во зоната за плеј-ин, Шарлот. Во сите три претходни сезони, Бакс беа елиминирани во првото коло од плеј-офот.
Во меѓувреме, шпекулациите за заминувањето на Адетокумбо само се засилија и се чини дека го достигнуваат својот врв со крајот на тековната сезона. Гркот, кој е на пауза по вторпат оваа сезона поради повреда, планира да се врати на теренот на крајот на сезоната, но сега се соочува со одлука на кариерата.
„Јанис влегува во последната година од својот договор, па ќе се случат две работи: или ќе потпише нов договор или ќе го продадеме“, рече Еванс, сопственикот на Бакс.
Доколку одлучи да го продолжи договорот, ќе добива уште повеќе пари по сезона, 62.7 милиони долари или ќе ги бара тие пари да ги добие некаде на друго место. Работата е што тој мора наскоро да одлучи.
