Извршната комисија на ИХФ ги распредели градовите домаќини за Светското првенство 2027 година кое ќе се одржи во Германија.
Претходно беше познато дека Германија ќе игра во групата А во Минхен, додека Данска во групата Г во Кил.
Хрватска ќе игра во Минхен – група Ц, Швајцарија во Штутгарт – Група Б, додека Исланд ќе игра групата „Х“ во градот Магдебург. Репрезентацијата на Франција ќе игра во градот Штутгарт – група Д, а Шведска исто како и Данска ќе игра во Кил – група Е.
Доколку Франција и Швајцарија не успеат да се квалификуваат, нивните места ќе ги заземат репрезентациите на Италија и на Чешка.
Сето ова значи дека ако Македонија избори пласман на Мундијалот нема да игра во Штутгарт. Нашите ракометари ждрепката би ја чекале од вториот шешир, а таму се Швајцарија и Франција, кои ќе ги избегне за протиник.
Комплетната ждрепка ќе биде извршена на 10 јуни.
СВЕТСКО ПРВЕНСТВО ГЕРМАНИЈА 2027
ГРУПА „А“: Минхен – ГЕРМАНИЈА
ГРУПА „Б“ : Штутгарт – ШВАЈЦАРИЈА
ГРУПА „Ц“: Минхен – ХРВАТСКА
ГРУПА „Д“: Штутгарт – ФРАНЦИЈА
ГРУПА „Е“: Кил – ШВЕДСКА
ГРУПА „Ф“: Магдебург – ПОРТУГАЛИЈА
ГРУПА „Г“: Кил – ДАНСКА
ГРУПА „Х“: Магдебург – ИСЛАНД
