Кошаркарите на Оклахома Тандер, сегашните НБА прваци, нема да ја посетат Белата куќа. Според американските медиуми, тие како причина навеле „проблеми со распоредот“, а зад тоа се крие нешто сосема друго.
“Во контакт сме со Белата куќа и им сме благодарни за тоа, но нашиот распоред не ни дозволува да ја посетиме“, објавија Тандерси, како што објави „Атлетик“.
Оклахома моментално е тим број 1 на Западот, игра во Вашингтон против Визардс во сабота, а потоа ја посетува Филаделфија во понеделник.
Шампионите на НБА редовно ја посетуваат Белата куќа од 1963 година кога шампиони беа Бостон Селтикс, но во последните години таа традиција не се почитува поради политички причини.
Голден Стејт Вориорс не ја посетија Белата куќа за време на првиот мандат на Доналд Трамп, тој неколку месеци подоцна објави дека ја повлекува поканата, за Вориорс повторно да ја освојат титулата. Вориорсите го посетија претседателот во 2022 година, кога Џо Бајден беше на функција, и на тој начин го изразија својот став кон политиката водена од Трамп.
Неколку тимови одбија да го посетат во првиот мандат на Трамп, а неодамна тој го пречека американскиот хокеарски тим со голема помпа.
Медиумите во Америка објавуваат дека зад изговорот „не можеме поради густ распоред“ се крие јасниот став на тимот, односно неколку водечки играчи кои одбиваат да го посетат Трамп поради противење на неговите политики. Не само поврзано со војната на Блискиот Исток, туку и за домашните прашања во САД. Трамп наводно е, според Атлетик, бесен поради потегот на Оклахома, особено откако пред еден месец најдобрата скијачка во светот, Микаела Шифрин, исто така ја одбила неговата покана.
