Реал Мадрид сега се соочува со нова тешка задача во четвртфиналето од Лигата на шампионите, а тоа е средба со Баерн Минхен, кој игра атомски фудбал оваа сезона.
Паралелно со натпреварите оваа сезона, Флорентино Перез работи и на засилувања за следната сезона, а главниот играч што го сака е ѕвездата на тимот од Минхен.
Станува збор за Михаел Олисе, а самиот Флорентино Перез е лицето кое ги водеше преговорите со играчот и неговиот табор од самиот почеток.
„Кралевите“ се пласираа во Лигата на шампионите, но Флорентино Перез е свесен дека се потребни одредени промени во составот за следната сезона.
Откако наводно успеале да го убедат фудбалерот да направи трансфер, Флорентино Перез сега планира неверојатен „напад“ врз Баерн за да го доведе овој играч.
Олисе од многумина беше гледан како играч кој ќе ја продолжи кариерата во Ливерпул, каде што го сакаат како наследник на Мо Салах.
24-годишникот му се придружи на Баерн од Кристал Палас во летото 2024 година за околу 60 милиони евра и стана еден од најважните играчи на клубот. Оваа сезона, тој постигна 15 гола и додаде 27 асистенции во 38 одиграни натпревари во сите натпреварувања.
Како резултат на тоа, тој израсна во играч од кого се очекува да игра водечка улога за Франција на Светското првенство оваа година.
Според информациите од Германија, Флорентино Перез јасно му ставил до знаење на Олизе дека ќе направи сè што е во негова моќ за да го доведе на Сантијаго Бернабеу, а играчот е многу заинтересиран за трансфер.
Баерн сака да го задржи Олисе, но се свесни дека тој сака да ја продолжи кариерата во Реал Мадрид и се подготвени да прифатат понуда од 160 милиони евра.
Прашањето е дали Перез ќе оди толку „високо“, но продажбата на некои играчи сигурно би му овозможила да го доведе Олисе, кого толку многу го посакува.
Секако, евентуалното доаѓање на Олисе сигурно не би било единственото за Реал Мадрид, бидејќи се очекуваат многу промени во нивниот тим следното лето.
